Wat ass APM nom Penzel?
D’Akupunkt Massage nom Penzel (1918-1985) berout op der traditioneller chinesescher Medezin. Si ass vum Willy Penzel fir de Mënsch entwéckelt ginn an den Dieter Mahlstedt huet se op d’Päerd iwwerdroen.
Wann äert Päerd Probleemer huet, spigelt dat sech an sengem Energie Floss, D’Akupunkt Massage nom Penzel erlaabt, iwwert d’Meridianer an déi derzou gehéiertent Akupunktur Punkten, den Energie Floss vun ärem Päerd auszegläichen an unzereegen. Domat ginn seng Selbstheilungkräften aktivéiert.
Dofir ginn d‘Meridianen mat der Hand, engem Stäbchen, Pinsel, Moxa (Hetzt) oder faarwegem Liicht stimuléiert.
Am Géigesaz zur Akupunktur gëtt net mat Nolen geschafft.
Behandlung
All Behandlung fänkt mat der Diagnos vum Päerd un. Dofir gëtt de Kierper, an enger Distanz vun 2cm, mat den Hänn ofgetaascht an dobäi gespuert wéi eng Platzen méi oder manner Energie hunn, respektiv méi waarm oder méi kal sinn. Unhand vun deem Befonnt kann ech déi aktuell Probleemer erkennen an déi gezielt behandelen.
D’APM offréiert heifir eng Villzuel vun Behandlungsmethoden. Domat gëtt ärem Päerd een ausgeglachenen Energie Floss erméiglecht, déi seng ugebueren Fäegkeet sech selwer ze heelen ënnerstëtzt:
Zum Beispill, béi enger Wirbelsail Therapie ënnerstëtzt een déi Energie schwaach Punkte vun der Wirbelsail an d’Päerd kann, am Trabb, mat laangen Zigel, d’Wierbelen selwer arenken.
Bei Probleemer vun enger Houf-Rehe gëtt den Iwwerfloss, deen duerch d’Entzündung entstanen ass, ofgeleet, sou dass d’Immunsystem et méi einfach huet fir d’Heelung anzeleeden.
Bei Gelenk Probleemer ginn déi aner Gelenker, iwwer Kräiz, behandelt bis een duerchgehenden Energie Floss entsteet.
D’Organer ginn duerch stimuléieren vun de Meridianen oder deenen entspriechenden Punkten mat Energie versuergt.
Narben Entstéierung ass Pflicht bei der APM, well duerch déi gréisser Energie Blockaden entstoen kennen.
Wann een e bësschen méi déif wierken well, kann een eng Behandlung no de 5 Elementer (Metall, Waasser, Holz, Féier an Äerd) and vun de „Sondergefässe“ maachen.
No der éischter Behandlung kenn ech iech weisen wéi een séin Päerd energeetesch botzt, fir den Energie Floss um Lafen ze halen.
Déi éischt Behandlung dauert 1-2 Stonnen.
Eng Behandlung kascht 120€ pro Stonn.
Notéiert w.e.g., dass dir, no verschidden Behandlungen, ärem Päerd 2-3 Deeg Rou loosse sollt, fir dass sech déi therapeutesch Moossnamen am Engeriesystem integréieren kennen.
D’APM ass vun der “Deutsche Reiterliche Vereinigung” (FN) unerkannt.
Kontaktéiert mech fir weider Froen.
Déi ugebueden Methoden verstinn sech als Ergänzung zu der Schoul Medezin, si ersetzen keng Konsultatioun vum Véidokter.